Sahihu i Buhariut — Hadithi 678
46. Nënkapitulli: Dijetarët dhe njerëzit e shquar janë më meritorë për të qenë imamë
678. Nga: Ebu Musa Eshariu
Is'hak ibn Nasri na ka thënë: Na ka treguar Husejni, e ky nga Zaide, e ky nga Abdulmelik ibn Umejri, e këtij i ka treguar Ebu Burde se Ebu Musai (Allahu qoftë i kënaqur me të!) tregon: “Kur Pejgamberit ﷺ iu rëndua sëmundja, tha:
- “I thoni Ebu Bekrit t'u prijë njerëzve në namaz.”
- Ai është person i ndjeshëm. Kur të zëvendëson ty, nuk arrin t'ua falë njerëzve namazin (nga të qarët), - i tha Aishja.
- “I thoni Ebu Bekrit t'u prijë njerëzve në namaz!” - tha sërish Pejgamberi ﷺ, por Aishja ia përsëriti të njëjtat fjalë.
- “Thuaji Ebu Bekrit t'u prijë njerëzve në namaz! Jeni bërë sikurse gratë në rrëfimin e Jusufit ﷺ”, - i tha Pejgamberi ﷺ.
Së këndejmi, dikush shkoi e i tregoi Ebu Bekrit, i cili u priu njerëzve në namaz duke qenë Pejgamberi ﷺ gjallë.”