Sahihu i Buhariut — Hadithi 6876
4. Nënkapitulli: Marrja në pyetje e vrasësit derisa ta pranojë (fajin) dhe pranimi (i fajit) në gjërat për të cilat ka ndëshkim të përcaktuar
6876. Nga: Enes ibn Malik Ensariu
Haxhaxh ibn Minhali na ka thënë: Na ka treguar Hemami, e ky nga Katadja se Enes ibn Maliku (Allahu qoftë i kënaqur me të!) tregon se një hebre i shtypi kokën një robëreshe me dy gurë. E pyetën: “Vallë, kush ta ka bërë këtë? Filani? Filani?” - derisa ia përmendën emrin e hebreut. Kur e sollën (dorasin), Pejgamberi ﷺ vazhdimisht i bëri pyetje, derisa ai e pranoi (fajin). Si pasojë, edhe atij ia shtypën kokën me gurë (siç kishte bërë me robëreshën).