Sahihu i Buhariut — Hadithi 6913
29. Nënkapitulli: Për atë që e mbyt kafsha, nuk ka shpagim (të gjakut)
Ibn Sirini ka thënë: "Dijetarët nuk e garantonin dëmin e shkelmit të kafshës, porse e garantonin dëmin e frenit të gojës." Hamadi ka thënë: "Dëmi i shkelmit të kafshës nuk garantohet, përveç nëse një njeri e godet kafshën (dhe ajo mbyt një tjetër). Shurejhu ka thënë: "Nuk garantohet (dëmi i saj) nëse kafsha e kthen shkelmin menjëherë pasi ajo të goditet." Hakemi dhe Hamadi kanë thënë: "Nëse ngasësi i gomarit nget një gomar mbi të cilin është një grua e cila në atë rast rrëzohet, atëherë atij nuk i kërkohet gjë." Shabiu ka thënë: "Nëse tërheq një kafshë dhe e mundon atë, atëherë ai e garanton nëse i ndodh diçka, e, nëse është pas saj dhe e nget ngadalë, ai nuk garanton gjë."
6913. Nga: Ebu Hurejra
Muslimi na ka thënë: Na ka treguar Shuëbe, e ky nga Muhamed ibn Zijadi se Ebu Hurejra (Allahu qoftë i kënaqur me të!) transmeton se Pejgamberi ﷺ ka thënë: “Për atë që e mbyt kafsha, nuk ka shpagim (të gjakut), as për atë që vdes duke hapur bunarin, as për atë që vdes duke punuar në minierë. Për thesarin e lashtë jepet një e pesta.”