Sahihu i Buhariut — Hadithi 694

Fadël ibn Sehli na ka thënë: Na ka treguar Hasen ibn Musa Eshjebi, e këtij i ka treguar Abdurrahman ibn Abdullah ibn Dinari, e ky nga Zejd ibn Eslemi, e ky nga Ata ibn Jesari se Ebu Hurejra (Allahu qoftë i kënaqur me të!) transmeton se i Dërguari i Allahut ﷺ ka thënë: “Ata që ju prijnë në namaz (imamët), nëse e kryejnë siç duhet, ju shpërbleheni bashkë me ta. E, nëse gabojnë, ju shpërbleheni, kurse ata mëkatojnë.”