Sahihu i Buhariut — Hadithi 709
65. Nënkapitulli: Përshpejtimi i namazit në rast të të qarit të fëmijës
709. Nga: Enes ibn Malik Ensariu
Ali ibn Abdullahu na ka thënë: Na ka treguar Jezid ibn Zureji, e këtij i ka treguar Seidi, e këtij i ka treguar Katadja se Enes ibn Maliku (Allahu qoftë i kënaqur me të!) transmeton se Pejgamberi ﷺ ka thënë: “Ka raste kur e filloj namazin duke planifikuar ta zgjas atë, mirëpo, kur dëgjoj të qarët e fëmijës, e shpejtoj namazin, sepse e di si ndihet nëna kur dëgjon të qarët e foshnjës së vet.”