Sahihu i Buhariut — Hadithi 7138
1. Nënkapitulli: Fjala e Allahut të Lartësuar: “O besimtarë! Bindjuni Allahut dhe bindjuni Pejgamberit, si dhe atyre që drejtojnë punët tuaja!”
7138. Nga: Abdullah ibn Omeri
Ismaili na ka thënë: Më ka treguar Maliku, e ky nga Abdullah ibn Dinari se Abdullah ibn Omeri (Allahu qoftë i kënaqur me të!) transmeton se i Dërguari i Allahut ﷺ ka thënë: “Vini re! Secili prej jush është kujdestar dhe përgjegjës për kopenë e vet.
Prijësi më i lartë është kujdestar për njerëzit nën pushtetin e tij, andaj do të japë përgjegjësi për ta.
Burri është kujdestar për familjen e vet, andaj do të japë përgjegjësi për të.
Gruaja është kujdestare për shtëpinë dhe fëmijët e burrit të vet, andaj do të japë përgjegjësi për ta.
Robi është kujdestar për pasurinë e zotërisë së vet, andaj do të japë përgjegjësi për të. Pra, dijeni se secili prej jush është kujdestar dhe përgjegjës për kopenë e vet.”