Sahihu i Buhariut — Hadithi 7166
18. Nënkapitulli: Kur dikush gjykon ose zbaton mallkimin e ndërsjellë (lianin) brenda xhamisë
Omeri ka gjykuar me lian duke qenë në minberin e Pejgamberit ﷺ. Shurejhu, Shabiu dhe Jahja ibn Jameri kanë gjykuar duke qenë brenda xhamisë. Mervani e ka gjykuar Zejd ibn Thabitin në minber, duke e marrë si dëshmi betimin. Hasani dhe Zurara ibn Eufai kanë gjykuar në pjesën e jashtme rrëzë xhamisë.
7166. Nga: Sehël ibn Sad Saidiu
Jahjai na ka thënë: Na ka treguar Abdurrezaku, e këtij i ka rrëfyer Ibn Xhurejxhi, e këtij i ka rrëfyer Ibn Shihabi se Sehli (Allahu qoftë i kënaqur me të!), vëlla nga fisi saide, tregon se një ensar erdhi te Pejgamberi ﷺ dhe i tha: “Nëse dikush e has gruan e vet (duke e tradhtuar) me një burrë të huaj, a ta mbysë? Pastaj ndodhi që vetë ata dy të mallkojnë njëri-tjetrin (lian) brenda xhamisë, ngjarje gjatë së cilës isha i pranishëm.”