Sahihu i Buhariut — Hadithi 7167
19. Nënkapitulli: Kur dikush e kryen gjykimin brenda xhamisë dhe, kur vjen puna tek ekzekutimi i ndëshkimit, urdhëron që të dilet jashtë xhamisë për ta zbatuar atë
Omeri ka thënë: "Nxirreni prej xhamisë, - dhe urdhëroi të rrihet. Një gjë e tillë përmendet edhe nga Aliu."
7167. Nga: Ebu Hurejra
Jahja ibn Kethiri na ka thënë: Më ka treguar Lejthiu, e ky nga Ukajli, e ky nga Ibn Shihabi, e ky nga Ebu Seleme dhe Seid ibn Musejebi se Ebu Hurejra (Allahu qoftë i kënaqur me të!) tregon: “Teksa i Dërguari i Allahut ﷺ ishte në xhami, i vajti një njeri dhe e thirri, duke i thënë: “O i Dërguari i Allahut, kam bërë zina!” Por, i Dërguari i Allahut ﷺ u kthye në anën tjetër. Pas kësaj dëshmoi ndaj vetvetes katër herë.”
- “Mos ke ndonjë sëmundje mendore?” - i tha Pejgamberi ﷺ.
- Jo, - i tha ai.
Atëherë, Pejgamberi ﷺ tha: “Merreni dhe gurëzojeni.”