Sahihu i Buhariut — Hadithi 7172
22. Nënkapitulli: Kur prijësi i nis dy udhëheqës drejt një vendi dhe i urdhëron që të bashkëpunojnë e të mos përçahen
7172. Nga: Ebu Musa Eshariu
Muhamed ibn Beshari na ka thënë: Na ka treguar Akadiu, e këtij i ka treguar Shuëbe, e ky nga Seid ibn Ebu Burde se Ebu Musa Eshariu (Allahu qoftë i kënaqur me të!) tregon se, kur Pejgamberi ﷺ e dërgoi atë bashkë me Muadh ibn Xhebelin (në Jemen), u tha: “Lehtësoni gjërat e mos i vështirësoni, përgëzoni e mos vrazhdësoni, dhe bashkëpunoni.” Ndërkohë, Ebu Musai pyeti: “Në vendin tonë prodhohet musht mjalti?”
- “Çdo gjë që deh është e ndaluar”, - tha Pejgamberi ﷺ.
Nadri, Ebu Davudi, Jezid ibn Haruni dhe Vekiu, nga Shuëbe, e ky nga Seidi, e ky nga babai i tij, e ky nga gjyshi (i Seidit), e ky nga Pejgamberi ﷺ.