Sahihu i Buhariut — Hadithi 7178

Ebu Nuajmi na ka thënë: Na ka treguar Asimi, i biri i Muhamed ibn Zejd ibn Abdullah ibn Omerit, se babai i tij Muhamed ibn Zejd ibn Abdullah ibn Omeri tregon se njëherë disa njerëz e pyetën Ibn Omerin (Allahu qoftë i kënaqur me të!): “Ka raste kur shkojmë te prijësit tanë dhe u themi atyre fjalë të kundërta me ato që i themi kur dalim nga aty.” Ibn Omeri tha: “Ne këtë e llogarisnim hipokrizi.”