Sahihu i Buhariut — Hadithi 73
15. Nënkapitulli: Xhelozia në dituri dhe urtësi
Omeri ka thënë: "Mësoni para se të bëheni prijës." Ebu Abdullahu (Buhariu) shton: "Edhe pasi të bëheni prijës, sepse shokët e Pejgamberit ﷺ mësonin edhe në moshë të shtyrë."
73. Nga: Abdullah ibn Mesudi
Humejdi na ka thënë: Na ka treguar Sufjani, e këtij i ka treguar Ismail ibn Ebu Halidi: - ndryshe nga çfarë na ka treguar Zuhriu - e kam dëgjuar Kajs ibn Ebu Hazimin se Abdullah ibn Mesudi (Allahu qoftë i kënaqur me ta!) transmeton se Pejgamberi ﷺ ka thënë: “Nuk lejohet zilia, përveç në dy raste:
1. Ndaj personit që Allahu i ka dhuruar pasuri dhe ai e shpenzon me të drejtë;
2. Dhe ndaj personit që Allahu i ka dhënë urtësi, me të cilën ai gjykon dhe ua mëson të tjerëve.”