Sahihu i Buhariut — Hadithi 732
82. Nënkapitulli: Obligueshmëria e tekbirit në fillim të namazit
732. Nga: Enes ibn Malik Ensariu
Ebu Jemani na ka thënë: Na ka rrëfyer Shuajbi, e ky nga Zuhriu se Enes ibn Malik Ensariu (Allahu qoftë i kënaqur me të!) tregon se i Dërguari i Allahut ﷺ ra nga një kalë dhe iu vra ana e djathtë e trupit. Andaj, një ditë, një prej namazeve na e fali ulur, e ashtu u falëm edhe ne, ulur. Pasi e kreu namazin, tha: “Imami duhet pasuar: nëse falet në këmbë, faluni edhe ju në këmbë; kur të bjerë në ruku, bini edhe ju; kur të ngrihet, ngrihuni edhe ju; kur të bjerë në sexhde, bini edhe ju, e, kur të thotë: “Semiallahu limen hamideh (Allahu iu përgjigj atij që e falënderoi)”, thoni: “Rabena ve lekel hamd.”