Sahihu i Buhariut — Hadithi 746
91. Nënkapitulli: Shikimi drejt imamit në namaz
Aishja tregon se, rreth namazit të eklipsit, Pejgamberi ﷺ ka thënë: “E pashë Xhehenemin duke ngrënë vetveten (nga nxehtësia), kur më patë duke u tërhequr mbrapa (sikur i frikësuar).”
746. Nga: Habab ibn Ereti
Musai na ka thënë: Na ka treguar Abdulvahidi, e këtij i ka treguar Ameshi, e ky nga Umare ibn Umejri se Ebu Mameri tregon: “E pyetëm Hababin (Allahu qoftë i kënaqur me të!):
- A lexonte i Dërguari i Allahut ﷺ (Kuran) në namazin e drekës dhe ikindisë?
- Po, - tha ai.
- E si e kuptonit këtë? - e pyetëm.
- Nga lëvizjet e mjekrës së tij, - iu përgjigj Hababi.”