Sahihu i Buhariut — Hadithi 772

Musededi na ka thënë: Na ka treguar Ismail ibn Ibrahimi, e këtij i ka rrëfyer Ibn Xhurejxhi, e këtij i ka rrëfyer Atai se Ebu Hurejra (Allahu qoftë i kënaqur me të!) ka thënë: “Në çdo namaz lexohet Kuran. Atë që i Dërguari i Allahut ﷺ na e ka lexuar me zë, ashtu jua kemi lexuar edhe ne, ndërkaq, atë që e ka lexuar në heshtje, edhe ne jua kemi lexuar në heshtje. Nëse pas Umul Kuranit (Fatihasë) nuk lexon asgjë, atëherë të mjafton, e, nëse lexon, është më mirë.”