Sahihu i Buhariut — Hadithi 876
1. Nënkapitulli: Obligueshmëria e namazit të xhumasë
Allahu ﷻ ka thënë: "... kur të thirret për namazin e ditës së premte, nxitoni për ta përmendur Allahun (në namazin e xhumasë) dhe pezulloni shitblerjen; kjo është më mirë për ju, nëse e dini!" (Xhumua, 9)
876. Nga: Ebu Hurejra
Ebu Jemani na ka thënë: Na ka rrëfyer Shuajbi, e këtij i ka treguar Ebu Zinadi, e ky nga Abdurrahman ibn Hurmuz Arexhi, i çrobëruari i Rebia ibn Harithit, se Ebu Hurejra (Allahu qoftë i kënaqur me të!) transmeton se i Dërguari i Allahut ﷺ ka thënë: “Ne jemi të fundit (si umet), por të parët në Ditën e Gjykimit, ndonëse atyre u është dhënë Libri para nesh. Pastaj, dita që Allahu ua ka bërë obligim atyre (madhërimin e saj), ata polemizuan rreth saj. Ndërsa neve Allahu na ka udhëzuar në të (madhërimin e saj), kurse të tjerët vijnë pas nesh: hebrenjtë e kanë të nesërmen (të shtunën), kurse të krishterët të pasnesërmen (të dielën).”