Sahihu i Buhariut — Hadithi 896
12. Nënkapitulli: A janë të detyruar të pastrohen ditën e premte ata që nuk marrin pjesë në namazin e xhumasë, përkatësisht: gratë, fëmijët dhe të tjerët?
Ibn Omeri ka thënë: "Gusli është për atë që e ka obligim namazin e xhumasë."
896. Nga: Ebu Hurejra
Muslim ibn Ibrahimi na ka thënë: Na ka treguar Vuhejbi, e këtij i ka treguar Ibn Tavusi, e ky nga babai i tij se Ebu Hurejra (Allahu qoftë i kënaqur me të!) transmeton se i Dërguari i Allahut ﷺ ka thënë: “Ne jemi të fundit (si umet), por të parët në Ditën e Gjykimit. Atyre u është dhënë Libri para nesh, e neve pas tyre. Ata patën polemizuar rreth kësaj dite (ditës së premte), kurse ne Allahu na ka udhëzuar në të (madhërimin e saj). Të nesërmen (të shtunën) e kanë hebrenjtë, kurse të pasnesërmen (të dielën) të krishterët.” Pastaj heshti.