Sahihu i Buhariut — Hadithi 902
15. Nënkapitulli: Kujt i obligohet namazi i xhumasë dhe prej çfarë largësie shkohet në xhuma?
Allahu ﷻ ka thënë: “... kur të thirret për namazin e ditës së premte...” (Xhumua, 9) Atai ka thënë: Nëse ndodhesh në ndonjë fshat të madh dhe thirret ezani për namazin e xhumasë, e ke obligim pjesëmarrjen në të, e dëgjove apo s'e dëgjove ezanin. Enesi, kur ishte në kështjellën e tij, ndonjëherë e falte xhumanë aty (në kështjellë), ndonjëherë jo (shkonte në xhaminë e Basrës). Kështjella e tij ndodhej në periferi të qytetit, në një largësi prej dy fersehësh
902. Nga: Aishe bint Ebu Bekri
Ahmedi na ka thënë: Na ka treguar Abdullah ibn Vehbiu, e këtij i ka rrëfyer Amër ibn Harithi, e ky nga Ubejdullah ibn Ebu Xhaferi, e këtij i ka treguar Muhamed ibn Xhafer ibn Zubejri, e ky nga Urve ibn Zubejri se Aishja (Allahu qoftë i kënaqur me të!), gruaja e Pejgamberit ﷺ, tregon: “Njerëzit zëvendësonin njëri-tjetrin për xhuma, vinin prej shtëpive të tyre nga periferitë (e Medinës). Gjatë rrugës pluhuroseshin dhe djersiteshin. Një ditë, teksa i Dërguari i Allahut ﷺ ishte në shtëpinë time, erdhi njëri prej tyre, e në atë rast Pejgamberi ﷺ tha: “Sikur të laheshit për këtë ditë!”
Referenca: Sahihu i Buhariut 902
Fjalë të panjohura?