Sahihu i Buhariut — Hadithi 903
16. Nënkapitulli: Koha për faljen e namazit të xhumasë është pasi ta kalojë dielli kupën e qiellit
Poashtu është transmetuar nga Omeri, Aliu, Numan ibn Beshiri dhe Amër ibn Hurejthi (Allahu qoftë i kënaqur me ta).
903. Nga: Aishe bint Ebu Bekri
Abdani na ka thënë: Na ka rrëfyer Abdullahu se Jahja ibn Seidi tregon se e pyeti Amrën për guslin ditën e premte. Ajo iu përgjigj: “Na ka treguar Aishja (Allahu qoftë i kënaqur me të!) se njerëzit i kryenin vetë punët e tyre, andaj në namazin e xhumasë vinin në gjendjen që ishin duke punuar. Prandaj, Pejgamberi ﷺ u tha: “Sikur të laheshit!”