Sahihu i Buhariut — Hadithi 938
40. Nënkapitulli: Fjala Allahut ﷻ: “... dhe pasi të kryhet namazi, shpërndahuni nëpër tokë dhe kërkoni mirësitë e Allahut.”
938. Nga: Sehël ibn Sad Saidiu
Seid ibn Ebu Merjemi na ka thënë: Na ka treguar Ebu Gasani, e këtij i ka treguar Ebu Hazimi se Sehli (Allahu qoftë i kënaqur me të!) tregon: “Një grua mbillte spinaq nëpër vadat e kopshtit të saj. Ditën e premte nxirrte rrënjë të rrepës dhe i vendoste në një enë, u shtonte një grusht elb dhe i ziente, gjë që i jepte rrepës një shije sikurse të mishit. Pas namazit të xhumasë, shkonim dhe e përshëndesnim me selam, e ajo na ofronte atë ushqim për të ngrënë. Mezi e pritnim të premten për këtë ushqim.”