Sahihu i Buhariut — Hadithi 95
30. Nënkapitulli: Përsëritja e fjalës (apo fjalisë) tri herë, që të kuptohet më mirë
Pejgamberi ﷺ ka thënë: “... edhe dëshmia e rrejshme” - dhe vazhdonte së përsërituri. Ibn Omeri ka thënë: "Pejgamberi ﷺ tha tri herë: “A e kumtova?”
95. Nga: Enes ibn Malik Ensariu
Abde ibn Abdullahu na ka thënë: Na ka treguar Abdusamedi, e këtij i ka treguar Abdullah ibn Muthena, e këtij i ka treguar Thumame ibn Abdullahu se Enes ibn Maliku (Allahu qoftë i kënaqur me të!) transmeton se, kur Pejgamberi ﷺ thoshte diçka, e përsëriste tri herë, që të kuptohej më mirë. Po ashtu, kur shkonte te ndokush dhe i jepte selam, e bënte këtë tri herë.