Sahihu i Buhariut — Hadithi 968
10. Nënkapitulli: Shkuarja herët për namazin e Bajramit
Abdullah ibn Busri tregon: "Dilnim (për namazin e Bajramit) paradite herët, menjëherë pas lindjes së diellit (në kohën e namazit të duhasë)."
968. Nga: Bera ibn Azibi
Sulejman ibn Harbi na ka thënë: Na ka treguar Shuëbe, e ky nga Zubejdi, e ky nga Shabiu se Berai (Allahu qoftë i kënaqur me të!) tregon: “Pejgamberi ﷺ na ligjëroi ditën e Bajramit të Kurbanit dhe na tha: “Gjëja e parë që veprojmë këtë ditë është namazi, pastaj kthehemi dhe i therim kurbanet. Ai që vepron kështu, ia ka qëlluar Sunetit tonë. Ndërkaq, ai që ther para namazit, nuk ka therur kurban, por thjesht i ka ofruar mish familjes së vet.”
Daja im, Ebu Berde ibn Nijari, u ngrit dhe tha:
- O i Dërguari i Allahut! Unë kam therur para namazit, por posedoj një kec, që është më i mirë sesa një e tillë njëvjeçare.
- “There këtë në vend të saj, - ose ka thënë: there atë, - por askujt tjetër pas teje nuk i lejohet të therë dhi më të vogël se njëvjeçare”, - tha Pejgamberi ﷺ.”