Sahihu i Buhariut — Hadithi 976
17. Nënkapitulli: Kthimi i imamit në drejtim të njerëzve gjatë hutbes së Bajramit
Ebu Seidi tregon se Pejgamberi ﷺ u ngrit dhe u drejtua nga njerëzit.
976. Nga: Bera ibn Azibi
Ebu Nuajmi na ka thënë: Na ka treguar Muhamed ibn Talhai, e ky nga Zubejdi, e ky nga Shabiu se Berai (Allahu qoftë i kënaqur me të!) tregon: “Ditën e Bajramit të Kurbanit, Pejgamberi ﷺ doli në drejtim të Bekies dhe fali namazin e Bajramit dy rekate, pastaj u kthye me fytyrë nga ne dhe na tha: “Gjëja e parë që veprojmë këtë ditë është namazi, pastaj kthehemi dhe i therim kurbanet. Ai që vepron kështu, ia ka qëlluar Sunetit tonë. Ndërkaq, ai që ther para namazit, nuk ka therur kurban, por thjesht i ka ofruar mish familjes së vet.”
Një burrë u ngrit dhe tha:
- O i Dërguari i Allahut, unë tashmë e kam therur (para namazit), por posedoj një kec, që është më i mirë sesa një e tillë njëvjeçare.
- “There, por kjo nuk i lejohet askujt tjetër pas teje”, - tha Pejgamberi ﷺ.”