Hadithet e ngjashme me hadithin 1099

Muadh ibn Fedale na ka thënë: Na ka treguar Hishami, e ky nga Jahjai, e ky nga Muhamed ibn Abdurrahman ibn Thevbani se Xhabir ibn Abdullahu (Allahu qoftë i kënaqur me ta!) tregon se Pejgamberi ﷺ falej mbi deve i kthyer nga lindja. Kur donte t'i falte farzet, zbriste dhe drejtohej nga kibla.

Ebu Nuajmi na ka thënë: Na ka treguar Shejbani, e ky nga Jahjai, e ky nga Muhamed ibn Abdurrahmani se Xhabir ibn Abdullahu (Allahu qoftë i kënaqur me ta!) tregon se Pejgamberi ﷺ falte namaz vullnetar hipur mbi deve të shaluar, edhe pse nuk ishte i drejtuar nga kibla.

Muslimi na ka thënë: Na ka treguar Hishami, e këtij i ka treguar Jahja ibn Ebu Kethiri, e ky nga Muhamed ibn Abdurrahmani se Xhabiri (Allahu qoftë i kënaqur me të!) tregon se i Dërguari i Allahut ﷺ falej sipër devesë së tij të kalërimit ngado që ajo kthehej. Ndërkaq, kur falte ndonjë farz, zbriste dhe drejtohej nga kibla.