Hadithet e ngjashme me hadithin 1419

Musa ibn Ismaili na ka thënë: Na ka treguar Abdulvahidi, e këtij i ka treguar Umare ibn Kaëkai, e këtij i ka treguar Ebu Zura se Ebu Hurejra (Allahu qoftë i kënaqur me të!) tregon: “Një person erdhi te Pejgamberi ﷺ dhe pyeti:

- O i Dërguari i Allahut, cila lëmoshë e ka shpërblimin më të madh?

- “Të japësh lëmoshë kur je i shëndoshë e i dhënë pas tubimit të pasurisë, i frikësohesh varfërisë dhe shpreson në pasuri. Mos prit që shpirti të të vijë në fyt, e atëherë të thuash: “Kjo është për filanin, e ajo për filanin”, sepse tanimë ajo (pasuri) është bërë e tjetërkujt”, - tha Pejgamberi ﷺ.