Hadithet e ngjashme me hadithin 1505

Abdullah ibn Jusufi na ka thënë: Na ka rrëfyer Maliku, e ky nga Zejd ibn Eslemi, e ky nga Ijad ibn Abdullah ibn Sad ibn Ebu Serh Amiriu se Ebu Seid Hudriu (Allahu qoftë i kënaqur me të!) ka thënë: “Sadakanë e fitrit e jepnim një saë ushqim, elb, hurma, djathë ose stafidhe.”

Abdullah ibn Muniri na ka treguar se e ka dëgjuar Jezid Adeniun, e këtij i ka treguar Sufjani, e ky nga Zejd ibn Eslemi, e këtij i ka treguar Ijad ibn Abdullah ibn Ebu Serhu se Ebu Seid Hudriu (Allahu qoftë i kënaqur me të!) tregon: “Në kohën e Pejgamberit ﷺ sadakanë e fitrit e jepnim një saë ushqim, hurma, elb ose stafidhe. Kur erdhi Muaviu (si halife) dhe përdorej gruri (nga Shami), tha: “Mendoj se një grusht nga ky grurë është i barabartë me dy grushte (gjysmë saë i ushqimeve të tjera).”

Muadh ibn Fedale na ka thënë: Na ka treguar Ebu Omeri, e ky nga Zejdi, e ky nga Ijad ibn Abdullah ibn Sadi se Ebu Seid Hudriu (Allahu qoftë i kënaqur me të!) tregon: “Në kohën e të Dërguarit të Allahut ﷺ në ditën e Bajramit të Fitrit e jepnim një saë ushqim. Atëkohë ushqimi ynë ka qenë: elbi, stafidhet, djathi dhe hurmat.”

Kabisa na ka thënë: Na ka treguar Sufjani, e ky nga Zejd ibn Eslemi, e ky nga Ijad ibn Abdullahu se Ebu Seidi (Allahu qoftë i kënaqur me të!) tregon: “Sadakanë e fitrit e jepnim një saë elb.”