Hadithet e ngjashme me hadithin 1575

Museded ibn Muserhed Basriu na ka thënë: Na ka treguar Jahjai, e ky nga Ubejdullahu, e ky nga Nafiu se Ibn Omeri (Allahu qoftë i kënaqur me të!) tregon se i Dërguari i Allahut ﷺ hyri në Mekë nga Kedaja (rrafshinë e shkretë në hyrje të Mekës) nëpërmjet Kodrinës së Epërme të Bat'hasë, kurse daljen e bëri nga Kodrina e Ulët.

Ebu Abdullahu (Buhariu) ka thënë: “Është thënë (për transmetuesin Museded se) është i përpiktë ashtu siç aludon edhe kuptimi i emrit të tij. E kam dëgjuar Jahja ibn Meinin duke treguar se Jahja ibn Seidi ka thënë: “Sikur t'i veja Musededit në shtëpinë e tij për t'i transmetuar hadithe do ta meritonte (këtë nder). Nuk bëhem merak se a gjenden librat e mi tek unë ose tek Musededi.”

Ibrahim ibn Mundhiri na ka thënë: Më ka treguar Meani, e këtij i ka treguar Maliku, e ky nga Nafiu se Ibn Omeri (Allahu qoftë i kënaqur me të!) tregon: “I Dërguari i Allahut ﷺ hynte në Mekë nga Kodrina e Epërme e dilte nga Kodrina e Ulët.”