Hadithet e ngjashme me hadithin 64

Ismail ibn Abdullahu na ka thënë: Na ka treguar Ibrahim ibn Sadi, e ky nga Salihu, e ky nga Ibn Shihabi, e ky nga Ubejdullah ibn Abdullah ibn Utbe ibn Mesudi se Abdullah ibn Abasi (Allahu qoftë i kënaqur me ta!) tregon se Pejgamberi ﷺ nëpërmjet dikujt i dërgoi një letër mbretit të Bahrejnit, i cili ia përcolli Kisrait (perandorit të persëve), i cili, me ta lexuar, e grisi copë-copë. Transmetuesi thotë: “Kujtoj që Ibn Musejebi ka thënë se i Dërguari i Allahut ﷺ atëherë u lut kundër tyre, që edhe ata të bëheshin copë e grimë.”