Hadithet e ngjashme me hadithin 94

Abde ibn Abdullahu na ka thënë: Na ka treguar Abdusamedi, e këtij i ka treguar Abdullah ibn Muthena, e këtij i ka treguar Thumame ibn Abdullahu se Enes ibn Maliku (Allahu qoftë i kënaqur me të!) transmeton se, kur Pejgamberi ﷺ thoshte diçka, e përsëriste tri herë, që të kuptohej më mirë. Po ashtu, kur shkonte te ndokush dhe i jepte selam, e bënte këtë tri herë.

Abde na ka thënë: Na ka treguar Abdusamedi, e këtij i ka treguar Abdullah ibn Muthena, e këtij i ka treguar Thumame ibn Abdullahu se Enesi (Allahu qoftë i kënaqur me të!) transmeton se, kur Pejgamberi ﷺ përshëndeste dikë me selam, e bënte këtë tri herë dhe, kur fliste diçka, e përsëriste tri herë.