Sahihu i Buhariut — Hadithi 1163
25. Nënkapitulli: Transmetimet rreth namazeve vullnetare që pohojnë se duhen falur dy nga dy
Kjo është transmetuar edhe (si fjalë apo vepër e) Amarit, Ebu Dherrit, Enesit, Xhabir ibn Zejdit, Ikrimes dhe Zuhriut. Jahja ibn Seid Ensariu thotë: "Të gjithë dijetarët që i kam takuar në vendin tonë (Medine), jepnin selam pas çdo dy rekateve nafile gjatë ditës."
1163. Nga: Ebu Katade Sulemiu
Mekij ibn Ibrahimi na ka thënë: Na ka treguar Abdullah ibn Seidi, e ky nga Amir ibn Abdullah ibn Zubejri, e ky nga Amër ibn Sulejm Zurakiu se Ebu Katade ibn Ribij Ensariu (Allahu qoftë i kënaqur me të!) transmeton se Pejgamberi ﷺ ka thënë: “Kur dikush hyn në xhami, të mos ulet pa i falur dy rekate.”