Hadithet e ngjashme me hadithin 1163

Abdullah ibn Jusufi na ka thënë: Na ka rrëfyer Maliku, e ky nga Amir ibn Abdullah ibn Zubejri, e ky nga Amër ibn Sulejm Zurakiu se Ebu Katade Selemiu (Allahu qoftë i kënaqur me të!) transmeton se i Dërguari i Allahut ﷺ ka thënë: “Kur dikush hyn në xhami, le t'i falë dy rekate para se të ulet.”

Mekij ibn Ibrahimi na ka thënë: Na ka treguar Abdullah ibn Seidi, e ky nga Amir ibn Abdullah ibn Zubejri, e ky nga Amër ibn Sulejm Zurakiu se Ebu Katade ibn Ribij Ensariu (Allahu qoftë i kënaqur me të!) transmeton se Pejgamberi ﷺ ka thënë: “Kur dikush hyn në xhami, të mos ulet pa i falur dy rekate.”