Sahihu i Buhariut — Hadithi 1251
6. Nënkapitulli: Vlera e atij që i vdes një fëmijë dhe që shpreson në shpërblimin e durimit
Allahu i Madhëruar thotë: “Dhe përgëzoji durimtarët.” (Bekare, 155)
1251. Nga: Ebu Hurejra
Aliu na ka thënë: Na ka treguar Sufjani, e ky e ka dëgjuar Zuhriun, e ky nga Seid ibn Musejebi se Ebu Hurejra (Allahu qoftë i kënaqur me të!) transmeton se Pejgamberi ﷺ ka thënë: “Muslimani, të cilit i vdesin tre fëmijë, nuk do të hyjë në Xhehenem, përveç betimit të Allahut, i cili do të realizohet medoemos (kalimit nëpër Urën e Siratit, mbi Xhehenem).”
Ebu Abdullahu (Buhariu) citon ajetin: “Dhe çdonjëri prej jush do të arrijë tek Ai (Xhehenemi).” (Merjem, 71)