Sahihu i Buhariut — Hadithi 1553
29. Nënkapitulli: Hyrja në ihram duke qenë i drejtuar nga kibla
1553. Nga: Abdullah ibn Omeri
Ebu Mameri na ka thënë: Na ka treguar Abdulvarithi, e këtij i ka treguar Ejubi se Nafiu tregon: “Pasi Ibn Omeri (Allahu qoftë i kënaqur me të!) e falte sabahun në Dhul Hulejfe, urdhëronte t'ia përgatisnin devenë e tij, së cilës i hipte dhe, kur ajo ngrihej në këmbë, drejtohej nga kibla dhe shqiptonte telbijen derisa arrinte në Mekë. Aty ndalej (së shqiptuari telbijen), derisa arrinte në Dhu Tuva, ku bunte dhe, pasi e falte sabahun, lahej. Thoshte se në këtë mënyrë ka vepruar i Dërguari i Allahut ﷺ.”
Sa i përket larjes (së Pejgamberit ﷺ në Dhu Tuva) transmetimin (e Abdulvarithit) e ka fuqizuar Ismaili nga Ejubi.