Sahihu i Buhariut — Hadithi 1805
20. Nënkapitulli: Nëse udhëtarin e preokupon diçka gjatë udhëtimit, shpejton për te familja e tij
1805. Nga: Abdullah ibn Omeri
Seid ibn Merjemi na ka thënë: Na ka rrëfyer Muhamed ibn Xhaferi, e këtij i ka rrëfyer Zejd ibn Eslemi se babai i tij Eslemi tregon: “Isha me Abdullah ibn Omerin (Allahu qoftë i kënaqur me ta!), rrugës për në Mekë, kur e lajmëruan se Safije bint Ebu Ubejdi ishte sëmurur rëndë. Atëherë e shpejtoi ecjen, deri pas rënies së muzgut, ku u ndal dhe e fali akshamin bashkë me jacinë. Pastaj tha: “Kam parë se, kur Pejgamberi ﷺ nxitonte gjatë udhëtimit, e vononte akshamin duke e bashkuar me jacinë.”