Sahihu i Buhariut — Hadithi 1924
21. Nënkapitulli: Nëse gjatë ditës vendos për të agjëruar
Umu Derdai tregon se Ebu Derdai pyeste: "A keni ushqim?" Nëse i thoshim jo, ai thoshte: "E po, po agjëroj sot. Kështu vepronin Ebu Talhai, Ebu Hurejra, Ibn Abasi dhe Hudhejfe."
1924. Nga: Seleme ibn Ekvai
Ebu Asimi transmeton nga Jezid ibn Ebu Ubejdi se Seleme ibn Ekvai (Allahu qoftë i kënaqur me të!) tregon se Pejgamberi ﷺ ditën e Ashures dërgoi një njeri për t'i lajmëruar njerëzit: “Ai që ka ngrënë, le të agjërojë (pjesën e mbetur të ditës), (ai që ka filluar të agjërojë) le ta plotësojë agjërimin, e ai që nuk ka ngrënë, të mos hajë.”