Sahihu i Buhariut — Hadithi 282
22. Nënkapitulli: Çfarë duhet të bëjë femra që ejakulon në gjumë?
282. Nga: Umu Seleme
Abdullah ibn Jusufi na ka thënë: Na ka rrëfyer Maliku, e ky nga Hisham ibn Urve, e ky nga babai i vet, e ky nga Zejnebe bint Ebu Seleme se Umu Seleme, nëna e besimtarëve (Allahu qoftë i kënaqur me të!), ka thënë: “Umu Sulejmi, gruaja e Ebu Talhait, erdhi te Pejgamberi ﷺ dhe i tha: “O i Dërguari i Allahut! Allahu nuk turpërohet nga e vërteta. Andaj, a i obligohet femrës gusli nëse ejakulon në gjumë?” Pejgamberi ﷺ i tha: “Po, nëse sheh se është lagur.”