Sahihu i Buhariut — Hadithi 616
10. Nënkapitulli: Të folurit (e myezinit) gjatë thirrjes së ezanit
Sulejman ibn Suradi, teksa po e thërriste ezanin, foli (diçka jashtë ezanit). Hasen Basriu ka thënë: "Nuk prish punë nëse dikush qesh teksa thërret ezanin ose ikametin."
616. Nga: Abdullah ibn Abasi
Musededi na ka thënë: Na ka treguar Hamadi, e ky nga Ejubi, Abdulhamidi, shoku i Zijadit, dhe Asim Ahveli, se Abdullah ibn Harithi tregon se Ibn Abasi (Allahu qoftë i kënaqur me të!) ligjëroi në një ditë (të premte) me shi (dhe toka ishte bërë lloç). Kur muezini (gjatë ezanit) arriti te fjalët: “Haje alasalah, e urdhëroi (që në vend të këtyre fjalëve) të thërrasë: “Faluni në shtëpitë tuaja!” Njerëzit filluan të shikonin njëri-tjetrin, e ai u tha: “Këtë gjë e ka vepruar ai që ishte më i mirë se unë (Pejgamberi ﷺ), ndërkohë xhumaja është farz.”