Sahihu i Buhariut — Hadithi 634
19. Nënkapitulli: A duhet myezini ta kthejë fytyrën dhe të shikojë në të djathtë e në të majtë gjatë ezanit?
Tregohet se Bilali i vendoste gishtat në vesh (gjatë ezanit). Ibn Omeri nuk i vendoste gishtat në vesh (gjatë ezanit). Ibrahim Nehaiu ka thënë: "Nuk prish punë nëse thirret ezani pa abdes." Atai ka thënë: "Të qenët me abdes (gjatë ezanit) është legjitime dhe sunet." Aishja ka thënë: "Pejgamberi ﷺ e përmendte Allahun (bënte dhikër) në çfarëdo gjendjeje që ishte."
634. Nga: Ebu Xhuhajfe Suvaiu
Muhamed ibn Jusufi na ka thënë: Na ka treguar Sufjani, e ky nga Avni ibn Ebu Xhuhajfe, se babai i tij Ebu Xhuhajfe (Allahu qoftë i kënaqur me të!) tregon se e ka parë Bilalin duke e thirrur ezanin, e në atë rast e kthente kokën në të djathtë e në të majtë.