Sahihu i Buhariut — Hadithi 84
24. Nënkapitulli: Përgjigjja në fetva duke bërë me shenjë, me dorë qoftë, apo me kokë
84. Nga: Abdullah ibn Abasi
Musa ibn Ismaili na ka thënë: Na ka treguar Vuhejbi, e këtij i ka treguar Ejubi, e ky nga Ikrime se Ibn Abasi (Allahu qoftë i kënaqur me të!) transmeton se, gjatë haxhit, dikush i tha Pejgamberit ﷺ: “E kam therur kurbanin para se t'i gjuaj guralecët.” Ai bëri me dorë duke thënë: “S'ka gjë.” Pastaj iu tha: “I kam rruar flokët para se ta ther kurbanin.” Ai përsëri bëri me dorë duke thënë: “S'ka gjë.”