Sahihu i Buhariut — Hadithi 861
161. Nënkapitulli: Abdesi i fëmijëve dhe koha kur u obligohet gusli e pastrimi, prezantimi i tyre në namazin me xhemat, bajrame, namazin e xhenazes, si dhe rreshtimi i tyre nëpër safa
861. Nga: Abdullah ibn Abasi
Abdullah ibn Mesleme na ka thënë: Na ka treguar Maliku, e ky nga Ibn Shihabi, e ky nga Ubejdullah ibn Abdullah ibn Utbe se Ibn Abasi (Allahu qoftë i kënaqur me të!) tregon: “Njëherë, teksa i Dërguari i Allahut ﷺ ishte duke u falur pa sutër në Mina, unë, që në atë kohë sapo kisha arritur moshën e pubertetit, kalova përpara një safi i hipur mbi gomaricë. Zbrita prej saj, të cilën e lashë të kulloste, kurse vetë iu bashkëngjita safit. Asnjë i pranishëm nuk ma tërhoqi vërejtjen për këtë.”