Hadithet e ngjashme me hadithin 1079

Bishr ibn Ademi na ka thënë: Na ka treguar Ali ibn Mus'hiri, e këtij i ka rrëfyer Ubejdullahu, e ky nga Nafiu se Ibn Omeri (Allahu qoftë i kënaqur me të!) tregon se, ndërsa rrinim te Pejgamberi ﷺ, ndonjëherë e lexonte ajetin e sexhdes dhe binte në sexhde, e edhe ne të gjithë binim në sexhde pas tij. Dhe, për shkak të turmës së madhe, mezi gjenim vend për ta vendosur ballin.

Sadaka na ka thënë: Na ka rrëfyer Jahjai, e ky nga Ubejdullahu, e ky nga Nafiu se Ibn Omeri (Allahu qoftë i kënaqur me të!) tregon: “Kur Pejgamberi ﷺ na lexonte ndonjë sure që përmbante ajet të sexhdes, binte në sexhde, e në atë rast binim në sexhde edhe ne të gjithë, saqë (ndonjëherë) vështirë mund të gjeje vend për ta vendosur ballin.”

Musededi na ka thënë: Na ka treguar Jahjai, e ky nga Ubejdullahu, e këtij i ka treguar Nafiu se Ibn Omeri (Allahu qoftë i kënaqur me të!) tregon: “Kur Pejgamberi ﷺ na lexonte ndonjë sure që përmbante ajet të sexhdes, binte në sexhde, e në atë rast binim në sexhde edhe ne të gjithë, saqë (ndonjëherë) vështirë mund të gjeje vend për ta vendosur ballin.”