Hadithet e ngjashme me hadithin 1082

Musededi na ka thënë: Na ka treguar Jahjai, e ky nga Ubejdullahu, e këtij i ka rrëfyer Nafiu se Abdullahu (Allahu qoftë i kënaqur me të!) tregon: “Në Mina e falëm namazin dy rekate së bashku me Pejgamberin ﷺ, si dhe me Ebu Bekrin, Omerin e Othmanin në fillim të udhëheqjes së tij, i cili pastaj e plotësonte (e falte katër rekate).”

Ibrahim ibn Mundhiri na ka thënë: Na ka treguar Ibn Vehbiu, e këtij i ka rrëfyer Junusi, e ky nga Ibn Shihabi, e këtij i ka rrëfyer Ubejdullah ibn Abdullah ibn Omeri, se babai i tij Abdullah ibn Omeri (Allahu qoftë i kënaqur me të!) ka thënë: “I Dërguari i Allahut ﷺ, në Mina, i fali dy rekate. Kështu kanë vepruar edhe Ebu Bekri e Omeri, si dhe Othmani në fillim të hilafetit të tij.”