Hadithet e ngjashme me hadithin 1311

Muadh ibn Fedale na ka thënë: Na ka treguar Hishami, e ky nga Jahjai, e ky nga Ubejdullah ibn Miksemi se Xhabir ibn Abdullahu (Allahu qoftë i kënaqur me ta!) tregon se pranë tyre kaloi një xhenaze, e në atë rast Pejgamberi ﷺ u ngrit në këmbë (për të). Ashtu vepruam edhe ne. Pastaj e pyetëm: “O i Dërguari i Allahut, ajo ishte xhenazja e një hebreu?"

- “Kur ta shihni xhenazen, ngrihuni”, - tha ai.

Muslim ibn Ibrahimi na ka thënë: Na ka treguar Hishami, e këtij i ka treguar Jahjai, e ky nga Ebu Seleme se Ebu Seid Hudriu (Allahu qoftë i kënaqur me të!) transmeton se Pejgamberi ﷺ ka thënë: “Kur ta shihni xhenazen, ngrihuni. Ndërkaq, ai që e përcjell, të mos ulet pa u lëshuar (xhenazja në varr).”