Hadithet e ngjashme me hadithin 1400

Ebu Jemani na ka thënë: Na ka rrëfyer Shuajbi, e ky nga Zuhriu. [t]: Lejthiu ka thënë: Më ka treguar Abdurrahman ibn Halidi, e ky nga Ibn Shihabi, e ky nga Ubejdullah ibn Abdullah ibn Utbe ibn Mesudi se Ebu Hurejra tregon se Ebu Bekri (Allahu qoftë i kënaqur me ta!) ka thënë: “Betohem në Allahun se, nëse nuk më japin edhe kecin femër që ia jepnin të Dërguarit të Allahut ﷺ, do t'i luftoj për shkak të mosdhënies.”

Ebu Hurejra tregon se Ebu Bekri (Allahu qoftë i kënaqur me ta!) ka thënë: “Betohem në Allahun se do t'i luftoj ata që bëjnë dallim mes namazit dhe zekatit. Zekati është obligim i pasurisë. Betohem në Allahun se, nëse nuk më japin qoftë dhe një qengj, të cilin ia jepnin të Dërguarit të Allahut ﷺ, do t'i luftoj për shkak të mosdhënies.” (Më vonë) Omeri tha: “Betohem në Allahun se Allahu ia pati hapur zemrën Ebu Bekrit (duke e udhëzuar). Dikur jam bindur se kjo është e vërteta.”