Hadithet e ngjashme me hadithin 1446

Ahmed ibn Junusi na ka thënë: Na ka treguar Ebu Shihabi, e ky nga Halid Hadhai, e ky nga Hafsa bint Sirini se Umu Atija (Allahu qoftë i kënaqur me të!) tregon: “Nusejbe Ensares iu dha një dele, një pjesë të së cilës ia dërgoi Aishes.” Pejgamberi ﷺ e pyeti:

- “A keni diçka (për të ngrënë)?”

- Jo, përveç asaj që na e ka dhuruar Nusejbia, - iu përgjigj ajo.

- “Ma afro, sepse ka arritur në vendin e vet”, - tha ai.

Ali ibn Abdullahu na ka thënë: Na ka treguar Jezid ibn Zuraji, e këtij i ka treguar Halidi, e ky nga Hafsa bint Sirini se Umu Atije Ensarja (Allahu qoftë i kënaqur me të!) tregon se Pejgamberi ﷺ hyri tek Aishja dhe i tha:

- “A keni diçka (për të ngrënë)?”

- Jo, përveç asaj që na e ka dhuruar Nusejbja, (mish) prej deles lëmoshë që ia pate dhuruar, - iu përgjigj ajo.

- “Ka arritur në vend të vetin (andaj përgatitma për ta ngrënë)”, - tha ai.