Hadithet e ngjashme me hadithin 1447

Abdullah ibn Jusufi na ka thënë: Na ka rrëfyer Maliku, e ky nga Muhamed ibn Abdurrahman ibn Ebu Saësa Maziniu, e ky nga babai i tij se Ebu Seid Hudriu (Allahu qoftë i kënaqur me të!) transmeton se i Dërguari i Allahut ﷺ ka thënë: “Nuk ka zekat në më pak se pesë evsukë me hurma. Nuk ka zekat në më pak se pesë evakë argjendi. Nuk ka zekat në më pak se pesë krerë deve.”

Musededi na ka thënë: Më ka treguar Jahjai, e këtij i ka treguar Maliku, e këtij i ka treguar Muhamed ibn Abdullah ibn Abdurrahman ibn Ebu Saësa, e ky nga babai i tij se Ebu Seid Hudriu (Allahu qoftë i kënaqur me të!) transmeton se Pejgamberi ﷺ ka thënë: “Nuk ka zekat në më pak se pesë evsukë. Nuk ka zekat në më pak se pesë deve. Nuk ka zekat në më pak se pesë evakë argjend.”

Abdullah ibn Jusufi na ka thënë: Na ka rrëfyer Maliku, e ky nga Amër ibn Jahja Maziniu, e ky nga babai i tij se Ebu Seid Hudriu (Allahu qoftë i kënaqur me të!) transmeton se i Dërguari i Allahut ﷺ ka thënë: “Nuk ka zekat në më pak se pesë deve. Nuk ka zekat në më pak se pesë evakë. Nuk ka zekat në më pak se pesë evsukë.”

Muhamed ibn Muthena na ka thënë: Na ka treguar Abdulvehabi, e këtij i ka treguar Jahja ibn Seidi, e këtij i ka rrëfyer Amri, i cili e ka dëgjuar babanë e tij se Ebu Seidi e ka dëgjuar këtë hadith nga Pejgamberi ﷺ.

Is'hak ibn Jezidi na ka thënë: Na ka rrëfyer Shuajb ibn Is'haku, e këtij i ka treguar Evzaiu, e këtij i ka rrëfyer Jahja ibn Ebu Kethiri, e këtij i ka rrëfyer Amër ibn Jahja ibn Umare, e ky nga babai i tij, Jahja ibn Umare ibn Ebu Haseni, se Ebu Seidi (Allahu qoftë i kënaqur me të!) transmeton se Pejgamberi ﷺ ka thënë: “Nuk ka zekat në më pak se pesë evakë. Nuk ka zekat në më pak se pesë deve. Nuk ka zekat në më pak se pesë evsukë.”