Hadithet e ngjashme me hadithin 1566

Ismaili na ka thënë: Më ka rrëfyer Maliku. [t]: Abdullah ibn Jusufi na ka thënë: Na ka treguar Maliku, e ky nga Nafiu, e ky nga Ibn Omeri se Hafsa (Allahu qoftë i kënaqur me të!), gruaja e Pejgamberit ﷺ, tregon se i ka thënë Pejgamberit ﷺ: “O i Dërguari i Allahut! Ç'është kjo punë: të tjerët tanimë janë liruar prej ihramëve pas umrës, kurse ti ende nuk je liruar?”

- “Unë i kam lyer flokët dhe ia kam vendosur qaforen kurbanit, andaj nuk lirohem derisa ta ther kurbanin”, - tha ai.

Musededi na ka thënë: Na ka treguar Jahjai, e ky nga Ubejdullahu, e këtij i ka rrëfyer Nafiu, e ky nga Ibn Omeri se Hafsa (Allahu qoftë i kënaqur me të!) tregon: “I thashë Pejgamberit ﷺ: “O i Dërguari i Allahut!, ç'është puna e njerëzve: janë liruar prej ihramëve, ndërsa ti ende je me ihramë?”

- “Unë i kam lyer flokët dhe ia kam vendosur qaforen kurbanit, kështu që nuk lirohem prej ihramëve pa u liruar nga haxhi”, - tha ai.

Abdullah ibn Jusufi na ka thënë: Na ka rrëfyer Maliku, e ky nga Nafiu, e ky nga Ibn Omeri se Hafsa (Allahu qoftë i kënaqur me të!) tregon se i ka thënë Pejgamberit ﷺ: “O i Dërguari i Allahut, ç'është puna e njerëzve: janë liruar prej ihramëve, ndërsa ti ende je me ihramë?”

- “Unë i kam lyer flokët dhe ia kam vendosur qaforen kurbanit, kështu që nuk lirohem prej ihramëve pa e therur kurbanin”, - tha ai.