Hadithet e ngjashme me hadithin 1756

Esbeg ibn Feraxhi na ka thënë: Na ka rrëfyer Ibn Vehbiu, e ky nga Amër ibn Harithi, e ky nga Katadja se Enes ibn Maliku (Allahu qoftë i kënaqur me të!) tregon se Pejgamberi ﷺ, në Muhasab, e fali drekën, ikindinë, akshamin dhe jacinë, pastaj u shtri për të pushuar. Më vonë, shkoi në Qabe dhe bëri tavaf.

Transmetimin e Amër ibn Harithit e ka fuqizuar Lejthiu i cili ka thënë: “Më ka treguar Halidi nga Seidi, e ky nga Katadja, se Enes ibn Maliku e ka transmetuar këtë nga Pejgamberi ﷺ.”

Abdulmuteal ibn Talibi na ka thënë: Na ka treguar Ibn Vehbiu, e këtij i ka rrëfyer Amër ibn Harithi, e këtij i ka treguar Katadja se Enes ibn Maliku (Allahu qoftë i kënaqur me të!) tregon se, në Muhasab, Pejgamberi ﷺ e fali drekën, ikindinë, akshamin dhe jacinë, pastaj u shtri për të pushuar. Më vonë shkoi në Qabe dhe e bëri tavafin (lamtumirës).