Hadithet e ngjashme me hadithin 1760

Muala ibn Esedi na ka thënë: Na ka treguar Vuhejbi, e ky nga Abdullah ibn Tavusi, e ky nga babai i tij se Ibn Abasi (Allahu qoftë i kënaqur me të!) ka thënë: “Femrës i është lejuar të largohet (nga Meka) nëse i paraqiten menstruacionet (pa e kryer tavafin lamtumirës).”

Muslimi na ka thënë: Na ka treguar Vuhejbi, e këtij i ka treguar Ibn Tavusi, e ky nga babai i tij se Ibn Abasi (Allahu qoftë i kënaqur me të!) ka thënë: “Femrës me menstruacione i është lejuar të largohet (nga Meka), nëse tashmë e ka kryer tavafin e haxhit.”

Musededi na ka thënë: Na ka treguar Sufjani, e ky nga Ibn Tavusi, e ky nga babai i tij se Ibn Abasi (Allahu qoftë i kënaqur me të!) ka thënë: “Njerëzit janë urdhëruar që tavafi të jetë vepra e fundit (para se të dalin nga Meka), përveç femrës me menstruacione, së cilës i është bërë lehtësim.”