Hadithet e ngjashme me hadithin 1781

Ahmed ibn Othmani na ka thënë: Na ka treguar Shurejh ibn Mesleme, e këtij i ka treguar Ibrahim ibn Jusufi, e ky nga babai i tij se Ebu Is'haku ka thënë: “I kam pyetur Mesrukun, Atain dhe Muxhahidin (për umret e Pejgamberit ﷺ), e ata më janë përgjigjur: “I Dërguari i Allahut ﷺ ka kryer umre në muajin dhul kade para se të kryejë haxhin.”

Ebu Is'haku ka thënë: “E kam dëgjuar Bera ibn Azibin (Allahu qoftë i kënaqur me të!) duke thënë: “I Dërguari i Allahut ﷺ ka bërë dy herë umre në muajin dhul kade para se të kryente haxhin.”

Ubejdullahu na ka transmetuar nga Israili, e ky nga Ebu Is'haku se Berai (Allahu qoftë i kënaqur me të!) tregon se Pejgamberi ﷺ bëri umre në muajin dhul kade, por banorët e Mekës i refuzuan hyrjen në Mekë, derisa bëri marrëveshje me ta: “Që të mos fusë armë në Mekë, përveç atyre që janë në këllëf.”