Hadithet e ngjashme me hadithin 29

Abdullah ibn Mesleme na ka treguar nga Maliku, e ky nga Zejd ibn Eslemi, e ky nga Ata ibn Jesari se Abdullah ibn Abasi (Allahu qoftë i kënaqur me ta!) ka thënë: “Ndodhi eklipsi diellor, e në atë rast i Dërguari i Allahut e fali namazin (e eklipsit), pastaj tha: “M'u shfaq Zjarri. Kurrë nuk kam parë pamje më tmerruese se sot.”

Abdullah ibn Mesleme na ka transmetuar nga Maliku nga Zejd ibn Eslemi, e ky nga Ata ibn Jesari se Ibn Abasi (Allahu qoftë i kënaqur me të!) transmeton se Pejgamberi ﷺ ka thënë: “E pashë Xhehenemin dhe vura re se shumica e banorëve të tij janë gratë që mohojnë.” I thanë: “A e mohojnë Allahun?” Tha: “E mohojnë mirësjelljen dhe e mohojnë mirësinë. Edhe nëse vazhdimisht je i mirë me të, po qe se vëren diçka jo të mirë te ti, thotë: Kurrë nuk kam parë asnjë të mirë prej teje!”